Prins Robert d'n iërste
Zondag 16 februari | Weej spraeke ôs waardering oét veur de keus van Vors Joeccius XI van Jocus, d'n hiër Roel Versleijen det hae dit jaor Prins Robert d'n iërste, haet oétgekaoze um veur te gaon in de Venlose vastelaovend.
Eine man, einen Hoëegheid met vuul kwaliteite, waor weej as hockeyclub ouk dageliks vuul plezeer van hebbe. Robert is lid sinds 2007 en haet al minnige functie binne de hockeyclub vervöld, boéte de liene van ut hockeyveld. Eine vreejwilliger waormei weej ôs op de kônt kinne klatse. Veurdet hae Prins van Jocus woord waas hae Besteurslid Hockey en ouk vanaaf Aswoensdag zal hae dae scepter weer zweije. Maar noow iërs veurop in de vastelaovend.
Robert, dae in zien dagelikse laeve werkzaam is beej de Gemeente Venlo en daor hiël doën beej ut veur zit, haet twië fantastische adjudante naeve zich staon. De waalbekinde Martijn Backus en Max Curvers.
Martijn is speuler van Hiëre 30-1 op de zôndaag en op de zaoterdaag is hae coach en hockeyelder van Ollie en Willem. Boéte ut hockey is hae werkzaam beej Logicall, ein van ôs fantastische spônore.
Adjudant twië is Max Curvers. Max is netuurlik ouk lid van de hockeyclub, same met zien vrouw Vivi en zoon Flip, ein van de talente van de 'A1'. Dochter Patoun haet ouk jaorelang de punte binnegesleip. Adjudant Max is daornaeve ouk spônsor van Delta Venlo met zien bedrief PLEC Projectinrichting & Kantoormeubilair
Weej felicitere ut dreejspan 2025 van Jocus van herte en winse eur eine fantastische tiëd de kômmende waeke.
hashtag#prins hashtag#hockeyinvenlo hashtag#vastelaovend hashtag#vrinde
Reacties
Wil je reageren op het nieuws ?
Er zijn nog geen reacties, plaats uw reactie hieronder
Reageer nu!
Wil je reageren op het nieuws ?
